Ինչպե՞ս ջնջել Yandex-ի, Mail.ru-ի, Gmail-ի փոստարկղերը

Եթե փոստարկղեր բացելու մասին ինտերնետում կարելի է գտնել հազարավոր նյութեր, ապա դրանք ջնջելու մասին քիչ բան կարելի է գտնել: Համեմատաբար ավելի բարդ է գտնել փոստարկղը ջնջելու եղանակը, քանի որ շատ ծառայություններ չցանկանալով կորցնել իրենց օգտվողներին, այն ջնջելու մասին քիչ ինֆորմացիա են տալիս:

Սակայն այսօր կփորձեմ Ձեզ ներկայացնել Հայաստանում առավել հաճախ հանդիպող ՝ Yandex-ի, Mail.ru-ի, Gmail-ի փոստարկղերի ջնջման եղանակները:

Yandex- իրականում բավական պարզ գործընթաց է: Սակայն մինչ ջնջելը նախ պետք է մտածել, թե ի՞նչն ենք ցանկանում ջնջել, միա՞յն փոստարկղը, թե՞ ամբողջական մեր էջը Yandex-ում: 

Փոստարկղը ջնջելու համար նախ մուտք ենք գործում մեր անձնական էջը, ապա բացում ենք փոստարկղը: Այն բացելուց հետո սեղմում ենք աջ վերևի անկյունում գրված "Настройка" բառի վրա և բացված էջի ամենաներքևում  նկատում ենք մանր տառերով գրված ՝«При необходимости вы можете удалить свой почтовый ящик» արտահայտությունը: Սեղմում ենք «удалить» բառի վրա, մուտքագրում ենք գախտնաբառը և ջնջում:

Այս բաժին կարող եք հասնել նաև հետևյալ հղումով՝ http://passport.yandex.ru/passport?mode=unsubscribe&from=mail: 

Իսկ եթե ցանկանում եք ամբողջությամբ ջնջել Yandex-ում ձեր անձնագիրը, ապա մուտք գործեք ձեր անձնագիր այս հղումով՝ http://passport.yandex.ru/passport?mode=delete, ապա մուտքագրեք գախտնաբառը և սեղմեք «удалить»: 

Mail.ru-ի փոստարկղը ջնջել կարող եք հատուկ էջից, որտեղ կարող եք հայտնվել այս հղումով՝ http://e.mail.ru/cgi-bin/delete:

Ջնջելու համար պետք է նախ մուտք գործեք Ձեր անձնական էջը, ապա նոր մուտքագրեք այս հղումը: 

Նշեմ  նաև, որ ջնջելուց հետո ջնջված փոստարկղի անունը կարող եք կրկին օգտագործել 3 ամիս հետո:
Եթե հանկարծ մի օր որոշեք, որ այլև չեք ցանկանում օգտվել Gmail-ի ծառայությունից, ապա կատարեք այս քայլերը՝

1. Մուտք ենք գործում Gmail-ի էջը
2. Ընտրում ենք «Аккаунты» բաժինը
3. Հետո սեղմում ենք ՝ «Настройки аккаунта Google»
4. Եվ նշված ծառայություններից ընտրում ենք «Удалить службу Gmail» ծառայությունը կամ այցելում ենք այս հղումով՝ https://accounts.google.com/b/0/DeleteAccount: