Ինչպես վերականգնել աղբամանից ջնջված ֆայլերը

Հավանաբար բոլորին ծանոթ է այն իրավիճակը, երբ պատահաբար համակարգչից ջնջվում է շատ կարևոր ֆայլ: Նախ այն հայտնվում է աղբամանում: Սակայն լինում են դեպքեր, երբ ֆայլը ջնջվում է նաև աղբամաինց: Այս դեպքում թվում է, թե ամեն ինչ կորած է: Բայց ո՛չ, մի շտապեք հուսահատվել:
Ի՞նչ անել: Ինչպե՞ս վերականգնել այն:
Ահա և մի քանի օր առաջ, այս ամենը տեղի ունեցավ նաև ինձ հետ, և սկսեցի «փորել» ինտերնետը: Այս մասին կար այնքան շատ ինֆորմացիա, որ թվում էր, թե ավելի լավ է չվերականգնել ֆայլը:

Ֆորումներում և կայքերում առավել շատ առաջարկվող ծրագրերը, որոնք կարող էին օգտակար լինել, այս ծրագրերն էին՝ "Recuva", "GetDataBack","EasyDriveDataRecovery": Սակայն այս ծրագրերը ունեն մեկ ընդհանուր թերություն՝ անվճար չեն, կամ միայն փորձնական տարբերակն է առկա, որը կատարում է ֆայլերի ոչ ամբողջական վերականգնում:

Շարունակելով փնտրտուքը հանկարծ գտա մի փոքրիկ, բայց շատ օգտակար ծրագիր՝ Undelete Plus 2.98 Portable (Ներբեռնել):

Հենց այս ծրագիրը օգնեց ինձ վերականգնել արդեն ջնջված ֆայլը: Նաև նշեմ, որ ինտերնետում կան այս ծրագրի տարբեր տարբերակներ և նրանց մի մասը իրականում չի աշխատում: 

Ներբեռնում ենք ծրագիրը բացում ՝ արխիվը և տեղադրում ենք ծրագիրը:

Ծանոթանանք ծրագրի ինտերֆեյսի հետ - Ծրագիրը անգլերեն է, սակայն կա նաև ռուսերեն տարբերակը: Տրված են կոնտակտային տվյալներր՝  կայք՝ "http://www.undelete-plus.com" և էլ-փոստ՝ support@undelete-plus.com: Ներքևում ծրագրի տարբերակն է՝ 2.9.8.0 և այլն:

Հետո ձախ անկյունում տեղադրված են կոշտ սկավառակները, դրանք կարող են լինել մեկ կամ մի քանի հատ: Ընտրում ենք այն սկավառակը, որտեղ որ գտնվել է ջնջված ֆայլը, օրինակ՝  "D:\: Հետո ընտրում ենք, թե որտեղ է պահպանվելու վերականգնված ֆայլը:

Բոլոր քայլերը անելուց հետո, սեղմում ենք Start Scan կոճակը և սպասում ենք, մինչև կավարտվի վերականգնումը: 

Ահա, թե ինչ ստացվեց:
"File Types" բաժնում առաջարկվում է ընտրել ջնջված ֆայլի ֆորմատը: Որպեսզի միայն երևան ցանկալի ֆայլերը, ընտրեք համապատասխան ֆորմատը:  Ինձ մոտ .avi ֆորմատի տեսանյութ է, այդ պատճառով ընտրել եմ՝ "Avi Multimedia". Հետո գտնված ֆայլերի մեջից ընտրում ենք մեր փնտրած ֆայլը : Ինձ մոտ՝ "GEOGRAFIA.avi":

"Preview" բաժնում կարող եք տեսնել ֆայլի մասին ինֆորմացիան: Այժմ սեղմում ենք  "Recover File" և բոլոր նշված ֆայլերը  վերականգնվում են: Այդ մասին վկայում է՝ "Восстановлен успешно "GEOGRAFIA.avi" հիշեցումը: Հիմա գտնենք այն տեղը, որտեղ պահպանվել է վերականգնված ֆալլը: Ահա և մեր վերականգնած ֆայլը:Ահա և այսքանը: 
Շտապեք վերականգնել ջնջված կարևոր նյութերը և ֆայլերը: