Միայն ուսանողները...

Մոտենում է ձմեռային քննաշրջանը: Բոլորս եռուզեռի մեջ ենք` կրեդիտներ, ակտիվություն, ինքնուրույնություն, հարցաշար, հարցատոմս…Առանց խուճապի: Լիցքաթափվում ենք և արձանագրում մեր ուսանողական կյանքի հետաքրքիր ու զավեշտալի դեպքերը:

***

Միայն ուսանողներն ու աշակերտներն են “Ժամը քանի՞սն է” հարցին պատասխանում “Մնաց տասը րոպե”:

***

Աստված երկար կյանք ու առողջություն տա այն դասախոսներին, ովքեր չեն նկատում, որ մենք արտագրում ենք:

***

Եթե մարդը ձեր հարցին հարցով է պատասխանում, ուրեմն կամ հրեա է կամ էլ ուսանող:

***

-Վաղվա քննության համար ի՞նչ ունես:

- Հույս, հավատ ու օպտիմիզմ:

***

Ուսանողն ամեն ինչ գիտի: Անգամ գիտի այնպիսի տեսք ընդունել ասես` ամեն ինչ գիտի:

***

-Եկեք վաղվա քննությանը ծաղիկներով գնանք:

-Չէ, եկեք տորթով գնանք:

-Ավելի լավ է ուղեղներով գնանք, այ թե կզարմանան:

***

Հիշեք, քննության ժամանակ ձեր արտաբերած յուրաքանչյուր բառ կարող է ձեր դեմ օգտագործվել:

***

Ոչինչ մարդկանց այդպես չի մտերմացնում, ինչպես քննության ժամանակ նույն տարբերակը:

***

-Պարոն Գրիգորյան, կարո՞ղ եմ առանց պատրաստվելու պատասխանել:

-Վայ, խնդրեմ, դուք արդեն քսան րոպե պատրաստվում եք:

-Բայց միևնույնն է ոչինչ չեմ հիշել:

ՀՊՄՀ Գեղարվեստի ֆակուլտետ                                                                             ՀՊՄՀ ուսանող