Ինչպես արագ ջնջել հաղորդագրությունները Facebook-ում

Եթե չգիտեք, ապա ասեմ, որ Facebook-ում հաղորդագրությունները ջնջելը այնքան էլ հեշտ գործ չի, քանի որ այն պահպանում է հաղորդագրությունների ողջ արխիվը:

Հաղորդագրությունները ջնջելու համար պետք է նախ բացել տվյալ էջը և ընտրել բոլոր այն հաղորդագրությունները, որոնք ցանկանում եք ջնջել:
Բայց ի՞նչ անել, երբ այդ հաղորդագրությունների թիվը շատ մեծ է:

Այս հարցի պատասխանը հանդիսանում է Chrome բրաուզերի համար նախատեսված Facebook Fast Delete Messages հավելումը: Հավելումը թույլ է տալիս մկնիկի մեկ սեղմումով ջնջել բոլոր հաղորդագրությունները:

Ինչպես ջնջել հաղորդագրությունները Facebook-ում (դանդաղ և հոգնեցնող տարբերակ).

Դուք կարող եք բացել հաղորդագրությունների ցանկը և դրանք ամբողջությամբ ուղարկել արխիվ, սակայն դրանից հետո հաղորդագրությունները չեն ջնջվում, այլ հեռանում են ժամանակավորապես և հաջորդ իսկ հաղորդագրության հետ, կրկին հայտնվում են:

Անվերադարձ ջնջելու համար պետք է բացել յուրաքանչյուր հաղորդագրություն և սեղմել «Действия» կոճակը, որից հետո՝ «Удалить сообщения»: Կհայտնվի հաղորդագրությունների ողջ ցանկը, որտեղից կարող եք ընտրել այն հաղորդագրությունները, որոնք ցանկանում եք ջնջել, կամ ուղղակի սեղմեք «Удалить все» ամբողջությամբ ջնջելու համար:

Առավել արագ և հարմարավետ տարբերակ.

Հաղորդագրությունները հեշտ կառավարելու համար, պետք է նախ բրաուզերում ավելացնել Facebook Fast Delete Messages հավելումը:

Տեղադրումից հետո այն ակտիվանում է ավտոմատ կերպով: Այժմ, երբ ցանկանում եք ջնջել բոլոր հաղորդագրությունները, բացում եք հաղորդագրության էջը և այնտեղ տեսնում եք երկու նոր կոճակներ.
մեկը վերևում տեղադրված գործիքների բաժնում, իսկ մյուսը՝ կարմիր գույնով նշված: Սեղմեք նրանց վրա անվերադարձ ջնջելու համար: