Google Maps-ում կատարվել են նոր թարմացումներ

 Ինտերնետային-հսկա Google քարտեզը հերթական անգամ թարմացրել է իր նկարների բազան: Այս անգամ ավելացվել են 45 տեսակի նկարներ 37 ամերիկյան քաղաքների և 14 այլ վայրերի համար: Ինչպես նաև բարձր որակի նկարներ 17 տարբեր քաղաքների համար:

Բացի այդ ավելացվել են բարձր որակի արբանյակային նկարներ 112 երկրների համար:

Սա արդեն Google Maps-ի  երկրորդ նմանատիպ թարմացումն է այն բանից հետո, երբ ընկերությունը հայտարարեց, որ ցանկանում է ամբողջությամբ վերափոխել ծառայությունը:

Google Maps-ում տեղ գտած բոլոր փոփոխությունների մասին կարող եք ծանոթանալ այստեղ:

Google-ն կներկայացնի 3D քարտեզ

Google Maps-ը ցանկանալով իր ոլորտում մնալ առաջատար, շարունակում է նոր ֆունկցիաներ ավելացնել և թարմացնել օնլայն քարտեզները: Այս անգամ Google Maps-ում ավելացվելու են նոր 3D քարտեզներ: Google Maps-ում կատարվելիք փոփոխությունները տեղի կունենան հունիսի 6-ին, Սան-Ֆրանցիսկոյում:

Ծրագրավորողները տեղեկացնում են, որ այս անգամ փոփոխություններ են արվել միայն նոր տեխնոլոգիաների միջոցով: Հավանաբար, նոր փոփոխությունները կատարվում են հակառակորդ Apple-ից հետ չմնալու համար: Քանի որ վերջերս Apple-ը հրաժարվեց Google Maps-ից և որոշեց ստեղծել սեփական ծառայությունը: 

Հարկ է նշել, որ Apple-ը Google-ի քարտեզները օգտագործել է սկսած 2007 թվականից և միայն այս տարի որոշեց ներկայացնել սեփական ծառայությունը (հունիսի 11-ին): Google-ն որոշելով առաջ անցնել Apple-ից, իր թարմեցված ծառայությունը կներկայացնի հունիսի 6-ին:

Շատ հնարավոր է, որ Microsoft-ը ևս մոտ ապագայուն ներկայացնի իր ծառայության թարմեցված տարբերակը:

Վիրտուալ զբոսանք Ամազոնի ավազանով

«Վայրի անտառ»-ի օրվա կապակցությամբ՝ 21.03.12, Google-ն ներկայացրել է մի հետաքրքիր անակնկալ: Google Maps-ը կատարել է իր հերթական թարմացումը, այս անգամ անդրադառնալով Ամազոնի ավազանին և «Ռիո-Նեգրո»-ին:
Քարտեզից օգտվողները կարող են վիրտուալ կերպով շրջել Ամազոնով՝ Google Maps-ի «Street View» ֆունկցիայի միջոցով:

Google-ն թույլ է տալիս շրջել «Ռիո-Նեգրո»-ում, վերևից դիտել վայրի անտառի խտացված հատվածը և այլն: Բացի այդ կարող եք շրջել նաև ամազոնյան անտառի այլ հատվածներով, տեսնել՝ թե որտեղից են հավաքում հայտնի՝ բրազիլական գետնանուշը և այլն: