Яндекс-ը ներկայացրել է իր նոր բրաուզերը

Яндекс ընկերությունը թողարկել է իր նոր Яндекс բրաուզերը: Նրա առավելություններին և թերություններին կանդրադառնամ հետագա նյութերում:

Այսօր ցանկանում եմ տեղադրել մի հարցում, որի միջոցով կպարզենք, թե մեր այցելուների քանի տոկոսն է պատրաստվում օգտագործել այդ բրաուզերը:

Ներբեռնել և փորձարկել

«US-CERT»-ը առաջարկում է անջատել Java հավելումը բրաուզերներում

Համակարգչային անվտանգության ոլորտում աշխատող US-CERT խումբը հրատարակել է TA12-240A զգուշացումը, որտեղը խոսվում է Java-ում առկա վտանգի մասին:

Զգուշացման մեջ նշվում է, որ խոցելի են դառնում այն բոլոր համակարգերը որտեղ տեղադրված է Oracle Java 7-ը (1.7, 1.7.0), այդ թվում նաև Java Platform Standard Edition 7-ը (Java SE 7), Java SE Development Kit-ը (JDK 7) և Java SE Runtime Environment-ը (JRE 7):

Հատկապես վտանգի տակ են գտնվում այն բրաուզերները որոնցում աշխատում է Java հավելումը:

Ինչպես տեղեկացնում են US-CERT-ի աշխատակիցները Java Security Manager-ը թույլ է տալիս հաքերներին հեշտությամբ ներթափանցել համակարգիչ:

US-CERT-ը փորձարկել է բոլոր բրաուզերները, որոնք աշխատում են  Java 7 հավելումով և խորհուրդ է տալիս անջատել Java 7-ը:

Ինչպես անջատել Java-ն Firefox-ում:

Ինչպես անջատել  Java-ն Chrome-ում: 

Ինչպես անջատել  Java-ն Safari-ում: 

Internet Explorer-ում Java-ն կարելի է անջատել javacpl.exe ծրագրի միջոցով, սակայն սա վտանգավոր է: Ավելի հուսալի է գտնել UseJava2IExplorer-ը  ռեստերում և նրա նշանակությունը դարձնել 0: Կախված Windows-ի և Java հավելման տարբերակից բանալին կարող է տեղադրված լինել հետևյալ միջավայրերում.

HKLM\Software\JavaSoft\Java Plug-in\{version}\UseJava2IExplorer

HKLM\Software\Wow6432Node\JavaSoft\Java Plug-in\{version}\UseJava2IExplorer

Եթե չեք ցանկանում անջատել Java-ն, ապա կարող եք օգտվել NoScript հավելումից, որը թույլ է տալիս ավտոմատ կերպով արգելափակել Java-ի աշխատանքը բրաուզերում:

Ինչպես տեղադրել ոչ պաշտոնական հավելումներ Chrome բրաուզերում

Ինչպես գիտեք Chrome բրաուզերի վերջին տարբերակներում (սկսած 21-րդ տարբերակից) արգելափակվում է ոչ պաշտոնական հավելումների աշխատանքը և միայն հնարավոր է ավելացնել chrome web store-ից բեռնված հավելումներ:

Սակայն գոյություն ունի  հետաքրքիր հնարք, որը թույլ է տալիս բրաուզերում օգտագործել նաև ոչ պաշտոնական հավելումներ:

Եվ այսպես.

1. Բեռնում եք հավելումը և մկնիկի օգնությամբ այն նետում ենք բրաուզերի բացված պատուհանի վրա:
2. Կամ ուղղակի բացում եք բրաուզերի պիտակը և  Chrome բաժնում գրում եք --enable-easy-off-store-extension-install և վերջ:

Փորձարկելու համար բեռնեք OneClick ոչ պաշտոնական հավելումը, որը հնարավորություն է տալիս բեռնել տորենտ ֆայլերը հենց բրաուզերում:

Թողարկվել է Chrome բրաուզերի 21-րդ Beta տարբերակը

Բրաուզերի ծրագրավորողները հայտնում են, որ նոր տարբերակում ավելացվել են երկու նոր API, որոնք թույլ են տալիս բրաուզերում օգտագործել վեբ-տեսախցիկ և բարձրախոս (վերջերս նման փոփոխություններ կատարվեցին նաև Opera 12-ում): 

Այսպիսի աշխատանքը ապահովում է getUserMedia API-ն, որի կիրառումը համարվում է WebRTC ինտեգրացիայում Google-ի առաջին քայլերից մեկը: Այս փոփոխությունների արդյունքում Chrome բրաուզերը դառնում է ունիվերսալ և ծանր խաղեր, հավելումներ օգտագործելու դեպքում չի պահանջում Flash կամ Java ծրագրեր:

Նոր ֆունկցիաները փորձարկելու համար ծրագրավորողները առաջարկում են օգտվել՝ Magic Xylophone և Webcam Toy կայքերից:

Երկրորդ API-ն կոչվում է Gamepad javascript, որը թույլ է տալիս օնլայն խաղերում օգտագործել տարբեր USB ղեկավարման սարգեր:

Հետաքրքիր է նաև այն հանգամանքը, որ մինչ այս փոփոխությունները, Microsoft ընկերությունը հայտարարել էր, որ ցանկանում է Internet Explorer ևս օգտագործել WebRTC ինտեգրացիա:

Ներբեռնել

Թողարկվել է Chrome Android-ի նոր տարբերակը

Google-ի ծրագրավորողները այսօր ներկայացրել են Chrome բրաուզերի տարբերակի նոր Beta վերսիան: Նշեմ, որ բրաուզերի նախկին տարբերակում առկա էին մի շարք թերություններ, որոնք բերում էին ծրագրի աշխատանքի խափանման:

Նոր՝ 0.18.4531.3636 տարբերակը,ավելի ֆունկցիոնալ է և ավելի արագ է աշխատում: Բացի այդ որոշակի փոփոխություն է կրել նաև ծրագրի ինտերֆեյսը:

Սակայն, ինչպես նշում են ծրագրավորողները, բրաուզերում դեռ կան որոշակի թերություններ, որոնք կշտկվեն առաջիկայում: 

Իսկ մինչ այդ թերությունները կշտկվեն առաջարկում եմ փորձարկել բրաուզերի այս տարբերակը: Բրաուզերը հասանելի է միայն Android 4.0 ICS-ի համար:

Տեղադրել

Թողարկվել է Firefox 13 բրաուզերը

Երեկ Firefox-ի պաշտոնական էջում հասանելի դարձավ Firefox 13 բրաուզերը: Ի տարբերություն Firefox 12-ի նոր բրաուզերում կատարվել են մի շարք փոփոխություններ, որոնք կարող են գոհացնել օգտվողներին:

Առաջին, և նկատվող փոփոխությունը կայանում է նոր ներդիրի առկայությունը:  Firefox-ը վերջապես հետևեց իր հակառակորդների (Google և Opera) օրինակին և դատարկ էջը փոխարինեց նոր ներդիրով:  Դեռևս նոր ներդիրի դիզայնը և աշխատանքը գտնվում են փորձարկման փուլում: Ներդիրը բացելուց հետո բացվում են ամենաշատ այցելվող կայքերի փոքրիկ նկարները:

Ներդիրի վրա գրանցվելու են 9 կայքեր, սակայն ցանկության դեպքում օգտվողները կարող են ջնջել կամ ավելացնել կայքերի թիվը:

Այցելած կայքրի ցուցադրումը ներդիրի վրա անջատելու համար պետք է սեղմել վերևի աջ անկյունում գտնվող փոքրիկ կոճակը: Ֆոնը փոխելու համար կարող եք օգտվել Customize about:newtab հավելումից: Ամբողջովին նոր ներդիր բացելու համար կատարում ենք այս քայլերը՝ about:config → browser.newtab.url = about:blank (այս քայլերը աշխատում են նաև բրաուզերի մյուս տարբերակներում):

Բացի նշված փոփոխութուններից կատարվել են մի շարք նոր փոփոխություններ, որոնք նպաստում են բրաուզերի արագ և հարմարավետ աշխատանքին: Մանրամասն ծանոթանալ կարող եք այստեղ:

• FirefoxԲեռնել անվճար

Թարմացրեք Ձեր բրաուզերը՝ Chrome 20.0.1123.1 dev

Google-ն թողարկել է Google Chrome բրաուզերի նոր՝ Chrome 20.0.1123.1dev բրաուզերը: Ծրագիրը հասանելի է Windows և Mac օպերացիոն համակարգերի համար և իր մեջ ներառում է V8 3.10.6.0 javascript շարժիչ: Բացի այդ բրաուզերում տեղ են գտել մի շարք փոփոխություններ:

 Windows-ի համար նախատեսված բրաուզերում նաև տեղ են գտել ինտերֆեյսի որոշակի փոփոխություններ:

«Chrome 20.0.1123.1dev» բրաուզերը Linux օպերացիոն համակարգի համար կթողարկվի առաջիկա մի քանի օրվա ընթացքում:

Բրաուզերի նոր տարբերակում ուղղվել է «about:inducebrowsercrashforrealz» էջը, որը առաջացնում է խափանում և կատարում է ծրագրի թարմացում (restart):

Նոր տարբերակում մեծացվել է ներդիրներ ավելացնելու սեղմակը:

                                                       

Թողարկվել է «Firefox12» բրաուզերը

Արդեն այսօր պարզ դարձավ, որ արդեն թողարկվել է Firefox 12 բրաուզերը, որի պաշտոնական ներկայացումը տեղի կունենա ապրիլի 24-ին: Մինչ պաշտոնական էջում՝ երեքշաբթի օրը, տեղի կունենա բրաուզերի ցուցադրությունը, ես մի քանի խոսքով անդրադառնամ բրաուզերում տեղ գտած փոփոխություններին և նորություններին:

• Նախ նշեմ, որ հատուկ ուշադրություն է դարձվել բրաուզերի թարմացման գործընթացի վրա և այն նոր բրաուզերում ավելի արագ  է տեղի ունենում:
•  Firefox 12 բրաուզերը արդեն իր մեջ պարունակում է մուլտիմեդիայի կառավարման համար նախատեսված գործիքներ  HTML5 ֆորմատով:
• Վեբ-էջի կոդերը արդեն կարող եք դիտել հատուկ համարակալված տարբերակով:
• Որոնման ֆունկցիաում(Ctrl + F) ավելացվել են նոր ֆունկցիաներ, որոնք թույլ են տալիս ավելի ճշգրիտ որոնում կատարել:
• Ներբեռման վահանակում հղումներ տեղադրելուց հետո նյութի բեռնումը տեղի է ունենում ավտոմատ կերպով:
• Բացի նշված մի քանի փոփոխությունները, բրաուզերում տեղ են գտել նաև այլ փոփոխություններ, որոնց մասին կարող եք ծանոթանալ mozilla.org կայքում:

Կարևոր՝ Ապրիլի 24-ից դադարեցվում է  Firefox 3.6.X տարբերակի ապահովումը:

ՆԵՐԲԵՌՆԵԼ

Թարմացրեք Ձեր «Google Chrome» բրաուզերը

Google ընկերությունը կրկին թարմացրել է «Google Chrome» բրաուզերը՝ հասցնելով 18.0.1025.162 տարբերակին: Նոր տարբերակը հասանելի է բոլորին և այն կարող եք բեռնել այստեղից: Եթե չեք ցանկանում բեռնել բրաուզերը, ապա կարող եք թարմացնել ձեր ունեցած հին բրաուզերը: 

Բրաուզերի թարմացման հետ մեկտեղ տեղի են ունեցել մի շարք նոր փոփոխություններ և ուղղվել են որոշ թերություններ, որոնք առկա էին նախորդ տարբերակում:

Հատկապես ուշադրության են արժանացել սոցիալական ցանցերում աշխատանքի ժամանակ տեղի ունեցող խափանումները՝ Facebook, VK և այլն: 

«Send Later» ֆունկցիա Gmail-ի համար

Gmail-ը շարունակում է կատարելագործվել և նոր ֆունկցիաներ ավելացնել: Փորձելով խնայել իր օգտվողների ժամանակը, Gmail-ը ավելացրել է նոր ֆունկցիա, որը թույլ կտա ավտոմատ կերպով ուղարկել պահպանված նամակը՝ Ձեր նշած ժամանակի ընթացքում:
Այս ֆունկցիան հասանելի է դառնում այն օգտվողներին,
ովքեր իրենց բրաուզերներում ավելացնում են Chrome և Firefox-ի համար ստեղծված հատուկ հավելումը՝ «Right Inbox»:

Հավելումը ավելացնելուց հետո Gmail-ում՝ նամակ գրելու ընթացքում, հայտնվում է կապույտ կոճակ- «Ուղարկել ավելի ուշ» (Send Later): Այս կոճակի միջոցով օգտվողները կարող են ընտրել նամակի ուղարկման ժամանակը (1,2 կամ 4ժամ հետո): Եթե ցանկանում եք կասեցնել նամակի փոխանցման գործընթացը, ապա պետք է միայն ջնջել նամակը «Черновики» բաժնից:

Այժմ հավելումը գտնվում է փորձնական փուլում և այդ է պատճառը, որ այն դեռ անվճար է:

Թողարկվել է Safari 5.1.4 բրաուզերը

«Apple»-ը հայտարարել է այն մասին, որ թողարկվել է   Mac OS X և Windows օպերացիոն համակարգերի համար նախատեսված   Safari  բրաուզերի  5.1.4 տարբերակը: Նոր տարբերակում շտկվել են մի շարք թերություններ և որոշ նոր ֆունկցիաներ են ավելացվել:

Safari 5.1.4-ում լավացվել է  javascript-ով աշխատանքը, ինչպես նաև կարգավորվել է  Cookies-ի հետ աշխատանքը: Բացի այդ այժմ կարող եք էջերը պահպանել  PDF ֆայլերի տեսքով:

Ուղղվել են մի քանի թերություններ, որոնք առկա էին նախորդ տարբերակում՝ 

• Արագացվել է բրաուզերի աշխատանքը, ոչ ստաբիլ ինտերնետ կապի դեպքում:
• Արագացվել է աշխատանքը մեկ ներդիրից մյուսին անցնելու ժամանակ:
• Ուղղվել է  HTML 5-ով պատրաստված նվագարկիչների դիտման հետ կապված խնդիրը:
• Ուղղվել է մասշտաբային փոփոխությունների հետ կապված խնդիրը: 
• Վերականգնվել է նաև «Remove All Website Data» սեղմակի միջոցով ինֆորմացիայի ոչ լիարժեք ջնջման հետ կապված խնդիրը:
• Ուղղվել են ևս մի քանի խնդիրներ, որոնց մասին կարող եք կարդալ այստեղ:

Բեռնեք նոր՝ Safari  բրաուզերը այստեղից՝ Ներբեռնել

Թողարկվել Chrome 18 Beta բրաուզերը

Ինչպես գիտեք մի քանի որ առաջ Google ընկերությունը թողարկեց Chrome 17 բրաուզերը: Ահա և մի քանի ժամ առաջ Google-ն ներկայացրեց Chrome բրաուզերի նոր 18-րդ փորձնական տարբերակը: Դեռևս այս տարբերակում այդքան շատ չեն փոփոխությունները և նոր փոփոխությունները հասանելի ամբողջապես հասանելի կլինեն Chrome 18-ի Final տարբերակում:

Առաջին ակնհայտ փոփոխությունը, որը տեղի է ունեցել դա 2D Canvas-ի առկայությունն է, որը թույլ է տալիս ստեղծել ինտերակտիվ գրաֆիկա HTML5-ի միջոցով: Այս ամենը կարելի է փորձարկել բրաուզերում հավաքլով՝chrome://gpu: Այս փոփոխությունից հետոշ այն խաղերը, որոնք կպարունակեն 2D Canvas ավելի արագ կխաղացվեն:

Մյուս փոփոխությունների մասին կարող եք կարդալ այստեղ:

Ներբեռնել Google Chrome 18 Beta WinXp համար

Թողարկվել է Firefox 10 Final բրաուզերը

Անվտանգություն, արագ աշխատանք, ճկունություն և հարմարավետություն, հենց այս ամենն են հաշվի առել Firefox-ի ծրագրավորողները նոր տարբերակը թողարկելիս:

Եվ իսկապես, երբ ներբեռնում ենք Firefox 10-ը, անմիջապես տեղադրումից հետո զգում ենք տարբերությունը նախորդ տարբերակների համեմատությամբ: Այս նոր տարբերակը առավել արագ և անվտանգ է աշխատում:

Ի՞նչ փոփոխություններ են կատարվել.

• Նոր տարբերակում «Առաջ» սեղմակը չի հայտնվի այնքան ժամանակ, քանի դեռ դուք չեք սեղմի «Ետ» սեղմակի վրա:
• Մի շարք հավելումներ արդեն իսկ տեղադրված են բրաուզերում և կարիք չկա դրանք բեռնել:
• Բրաուզերի նոր տարբերակը արդեն ապահովում է CSS3 3D-Transforms:
• Արդեն կարող եք նորացված համակարգով աշխատել  CSS կոդերի հետ:
• Ավելացվել է  IndexedDB API, որը թույլ է տալիս ավելի ճշգրիտ աշխատանքներ կատարել բրաուզերի միջոցով
• Շտկվել են նախկինում առկա թերությունները   Mac OS X օպ. համակարգի համար նախատեսված տարբերակում:

Բացի նշված մի քանի փոփոխությունները, բրաուզերում առկա են այլ նորարություններ, որոնց հետ կարող եք ծանոթանալ արդեն բրաուզերը տեղադրելուց հետո:

• Firefox 10.Բեռնել բրաուզերը
  Windows· 10.0 · Ռուսերեն

Լեզու		Տարբերակ		Mac OS X	Linux
Ռուսերեն		10.0		Բեռնել	Բեռնել

Նոր՝ «Opera Labs Camera 12.00»-ը, թույլ է տալիս ղեկավարել վեբ-տեսախցիկը

Համացանցում գործող մի շարք ծառայություններ և հավելումներ օգտվողներից պահանջում են վեբ-տեսախցիկների առկայություն: Ահա և այս փաստը հաշվի առնելով հանրահայտ բրաուզեր «Opera»-ի ծրագրավորողները որոշել են փորձարկել, վեբ-տեսախցիկի համար նախատեսված հավելումներով բրաուզեր, որը արդեն հասանելի է և կարող եք բեռնել այստեղից:

Նոր բրաուզերը հնարավորություն է տալիս ղեկավարել վեբ-տեսախցիկը, անկախ համակարգչում առկա ծրագրերից (նախատեսված վեբ-տեսախցիկը ղեկավարելու համար):

Այժմ, երբ օգտվողները այցելում են, այնպիսի կայք, որը պահանջում է տեսախցիկ, բրաուզերում հայտնվում է հաղորդագրություն, որը հարցնում է միացնել տեսախցիկը, թե՞ ոչ: «GetUserMedia»-ն իր աշխատանքի համար օգտագործում է javascript և տվյալների փոխանցում հասցեատողի միջոցով:

Ինչպես տեղեկացնում է «Opera Labs»-ը, նոր բրաուզերը դեռ ամբողջությամբ պատրաստ չի, բայց արդեն հիմա կարելի է այն օգտագործել վիդեո- կամ աուդիո- չատերում:

Առավել մանրամասն կարող եք տեղեկանալ այստեղից՝ getUserMedia: accessing the camera and privacy UI:

Թողարկվել է Dolphin Browser HD 7.3 Final բրաուզերը անդրոիդի համար

Թողարկվել է հանրահայտ բջջային բրաուզեր Dolphin Browser HD 7.3-ի նոր տարբերակը: Հիշեցնեմ, որ բրաուզերը նախատեսված է անդրոիդ օպերացիոն համակարգով աշխատող բջջային հեռախոսների համար: 
Բրաուզերի՝ Dolphin Browser HD 7.3 Final, շնոր տարբերակում կատարվել են նոր փոփոխություններ և այն ավելի արագ է աշխատում  ինտերնետում: Բացի այդ նաև ավելացվել են նոր մի քանի ֆունկցիաներ:

Նոր տարբերակում բրաուզերի մենյուն տեղադրված է էկրանի անկյունում և ավելացվել է «Անվտանգ աշխատանք» ինտերնետում ֆունկցիան:

Dolphin Browser HD 7.3 Final բրաուզերը աշխատում է Android 2.0.1 և բարձր օպերացիոն համակարգերով աշխատող բոլոր սարգավորումների վրա:

Firefox 9-ում տեղ են գտել էական փոփոխություններ

Չգիտեմ դուք ինչպես, բայց ես արդեն թարմացրել եմ իմ Mozilla Firefox բրաուզերը մինչև 9-րդ տարբերակը և կարող եմ ասել, որ բավականաչափ տարբերվում է նախորդ տարբերակներից:

Նոր փոփոխությունները հիմնականում կայանում են նրա նոր  javascript աշխատանքային շարժիչի հետ,
որը արագացնում է բրաուզերի աշխատանքը 20-30%-ով համեմատած 8-րդ տարբերակի հետ: 

Նաև ուղղվել են մի շարք սխալներ, որոնք առկա էին նախկին տարբերակում: Առամձնահատուկ ուշադրություն է դարձվել բրաուզերի արագ աշխատանքի վրա:

Բացի այդ նոր ֆունկցիաներ են ավելացվել Mac OS X-համար նախատեսված  բրաուզերում: Կարելի է կառավարել բրաուզերի շարժը երկու մատի միջոցով:

Առանձնահատուկ նշվում է HTML5-ի և CSS-ի որակների բարձրացման մասին:

Ներբեռնեք բրաուզերը միայն պաշտոնական կայքից-http://www.mozilla.org/ru/firefox/new/ :
Կարդացեք նաև՝

Թողարկվել է Firefox 9 Final բրաուզերը Փորձարկվել է Firefox 9 Beta տարբերակը  Թողարկվել է Firefox 8.0-ը

Թողարկվել է Firefox 9 Final բրաուզերը

Այս մասին պաշտոնական հայտարարություն կարվի այսօր, Firefox-ի պաշտոնական կայքում:

Նոր տարբերակում կատարված փոփոխություններ՝ 

• Type Inference-ի ապահովում, ինչը ավելի է բարձրացնում javascript-ի աշխատանքի արդյունավետությունը
• Javascript-ի միջոցով Do-Not-Track-ի հարցումների ապահովում
• font-stretch-ի ապահովում
• Ուժեղացվել է text-overflow-ի ապահովումը
• HTML5, MathML և CSS-ի լայնաշերտ օգտագործում

Բրաուզերի նոր տարբերակը կարող եք ներբեռնել ներքևում նշված հղումներով՝

Բեռնել Firefox 9-ը Windows-ի համար

Բեռնել  Firefox 9-ըGNU/Linux-ի համար

Էֆեկտիվ որոնում ինտերնետում

Կատարե՛ք էֆեկտիվ որոնում ինտերնետում: Գոյություն ունի Google Chrome-ի համար նախատեսված մի հետաքրքիր հավելում՝ xfinder, որի միջոցով կարող եք կատարել ցանկացած տեսակի ֆայլերի որոնում: Այս հավելումը հնարավորություն է տալիս միանգամից փնտրել մի քանի որոնման համակարգերում:

Հավելումը կարող է ձեզ օգնել՝

-որոնման բոլոր համակարգներում

- տորրենտներ;

- երգեր;

- վիդեոներ;

- էլեկտրոնային գրքեր;

- նկարներ;

- օնլայն-հանրագիտարաններ;

- ռեֆերատներ;

- նորություններ;

- և ծրագրեր փնտրելու գործում:

xfinder — Հարմարավետ և էֆեկտիվ որոնում:

Chrome 16-ի նորություններ՝ պրոֆիլներ և Cloud Print տպում

Ինչպես գիտեք արդեն թողարկվել է  Chrome 16 բրաուզերը և այսօր կներկայացնեմ նրանում տեղ գտած փոփոխությունները:

• Տպելու համար նախատեսված դիտումների էջը արդեն միացվել է Cloud Print տպման համակարգին: Սա նշանակում է, որ ցանկացած վեբ-էջ կարելի է տպել ինչպես PDF ֆորմատով, այնպես էլ Cloud Print-ի եղանակով:

Չնայած այն բանին, որ Cloud Print համակարգը առավել հարմարավետ է բջջային հեռախոսների և պլանշետների համար, համակարգչի վրա ևս շատ լավ է նայվում: Պրինտերների ղեկավարման էջը թույլ է տալիս տպել Google-ում առկա փաստաթղթերը այնպես, ինչպես դա տեղի է ունենում համակարգչում գտնվող փաստաթղթերի հետ:

• Բրաուզերում այժմ առկա է  նոր ինտերֆեյս պրոֆիլների ստեղծման համար՝ Параметры > Личные параметры > Добавить пользователя (Options > Personal Stuff > Add new user): 

Նոր պրոֆիլներ պատրաստելուց հետո բրաուզերի ձախ անկյունում հայտնվում է տվյալ պրոֆիլի համար նախատեսված նշանը: Սեղմելով այդ նշանի վրա դուք կարող եք փոխել պրոֆիլը: Այս կերպ նույն համակարգչում գտնվող մեկ բրաուզերից կարող օգտվել մի քանի օգտվող և չխառնել այլ օգտվողի պահպանաված կարգավորումները:

Կարող եք ստեղծել հատուկ խաղերի համար նախատեսված պրոֆիլ և այնտեղ գրանցել Chrome Web Store-ի լավագույն խաղերը, կամ կարելի է ստեղծել աշխատանքային պրոֆիլ և այլն:

• YouTube, Gmail և Փնտրել (Google Search) ծառայությունները ավտոմատ կերպով հայտնվում են հավելումների բաժնում «Приложения» (Apps):  Բայց նշվում է նաև, որ Փնտրել դաշտը պետք է հեռացվի կամ փոխարինվի, քանի որ այն ոչ այնքան գեղեցիկ է:

BrowserID- էլեկտրոնային հասցեն, որպես օգտվողի ID

Mozilla-ն արդեն ավարտել է BrowserID-ի ծևրագրավորումը- սա միակ կենտրոնացված աուտենտիֆիկացիոն համակարգն է, որը օգտագործում է HTML5 և թվային նշումներ: Այն հիմնված է Verified Email Protocol-ի պարզեցված ինտերպրիտացիայի վրա:

Նույնիսկ հիմա, երբ դեռ այն ամբողջությամբ պատրաստ չի և դեռ ստեղծման առաջին փուլում է, օգտվողների համար շատ հեշտ օգտագործման պայմաններ է ստեղծել: Պետք է միայն մեկ անգամ բաժանորդագրվել էլ-հասցեի միջոցով և որից հետո, կստանաք անվտանգ գրանցման հնարավորություն ցանկացած կայքում ընդամենը  մկնիկի 2 սեղմումով: Հետագայում նաև նախատեսվել է ավելի պարզեցնել գրանցման համակարգը, երբ արդեն BrowserID-ը ամբողջությամբ կինտեգրվի բրաուզերների մեջ:

Ահա թե ինչպես կաշխատի այդ համակարգը, երբ օրինակ՝ Gmail-ը կսկսի օգագործել BrowserID-ը: 
Այս դեպքում արդեն վերանում է ձեր էլ-հասցեի գրանցման անհրաժեշտությունը  Browserid.org կայքում, որը այս պահին համարվում է գրանցման միակ կենտրոնը:

Առավել մանրամասն տեղեկություններ  BrowserID-ի մասին կարող եք ստանալ նրա պաշտոնական կայքում (How to Use BrowserID on Your Site):

browserid.org