Թողարկվել է Opera 7,5-ը անդրոյիդի համար

Արդեն հասանելի է բջջային բրաուզեր Opera Mini նոր՝ 7.5  տարբերակը անդրոյիդի համար:  Նոր  տարբերակում վերջապես տեղադրվել է Java տարբերակում արդեն առկա մեկնարկային էջը:
Շտկվել են մի շարք թերություններ և բրաուզերը ավելի արագ է աշխատում:

ՆերբեռնելOpera-ն հեռախոսների և պլանշետների համար

«Android-հավելումներ» էլեկտրոնային փոստով աշխատելու համար

Այժմ Ձեզ կներկայացնեմ Android օպերացիոն համակարգով աշխատող հավելումների մի հավաքածու, որոնք նախատեսված են էլ. փոստով աշխատելու համար:

Gmail http://goo.gl/snXRx

Իհարկե, առաջին և ամենահաըտնի հավելումը, նախատեսված Gmail-ի համար: Այս հավելումը թարմացվում է Google-ի կողմից և մշտապես նրանում ավելացվում են նոր ֆունկցիաներ:

Yahoo mail http://goo.gl/4mcLN

Երկրորդ հավելումը նախատեսված է Yahoo համակարգում աշխատելու համար, քանի որ այն ամենատարածված ծառայություններից է: Չնայած վերջին մի քանի ամսվա ընթացքում Yahoo-ի օգտվողներից շատերը տեղափոխվել են Gmail համակարգ: Այս հավելումը ունի մի շարք հետաքրքիր ֆունկցիաներ և հարմարավետ է:

Exchange for Android 2.x http://goo.gl/RB3pP

Այս հավելումը հնարավորություն կտա պահպանել բոլոր նամակները Ձեր սմարթֆոնում: Ծրագրի միակ թերությունը այն է, որ այն վճարովի է և 30 օր օգտագործումից հետո այն անհրաժեշտ է գնել և թարմացնել:

Launcher Pro http://goo.gl/36l7v

Այս հավելումը նախատեսված է Gmail-ի հետ աշխատանքի համար: Launcher Pro-ն հնարավորություն է տալիս դիտել նամակները հենց աշխատանքային սեղանի վրա, ինչը թույլ կտա շատ արագ դիտել նոր նամակները և պատասխանել:

Yandex.Mail http://goo.gl/pNPhF

Հավելում, նախատեսված Yandex-ի հետ աշխատանքներ կատարելու համար: Ծրագիրը շատ թեթև է աշխատում և հնարավորություն է տալիս արագ տեսնել և կարդալ Яндекс.Почту-ում ստացված նամակները:

Mail.ru Почта http://goo.gl/zoQjz

Հավելում նախատեսված mail.ru-ի համար: Կարդացեք Ձեր նամակները հենց բջջային հեռախոսում:

Թարմացվել է «Google Translate» ծրագիրը Android-ի համար

Android-ի համար նախատեսված Google Translate ծրագրում ավելացվել է նոր ֆունկցիա, որը թույլ է տալիս ճանաչել և թարգմանել տեքստը նկարից: Այս ֆունկցիան կարող է հատկապես օգտակար լինել նրանց համար ովքեր հաճախակի են ճնապարհորդում:

Որպեսզի ծրագիրը թարգմանի նկարում գրված տեքստը, պետք է բացել նկարը և նշել տվյալ հատվածը: Ֆունկցիան աշխատում է Android 2.3 և ավելի բարձր տարբերակների վրա:

Այս մասին տեղեկացնում է http://www.androidcentral.com/ կայքը:

Ֆունկցիան կարող է ճանաչել հետևյալ լեզուները՝ անգլերեն, ֆրանսերեն, գերմաներեն, իսպաներեն, իտալերեն, լեհերեն, թուրքերեն, հոլանդերեն, ռուսերեն և չեխերեն:

Սակայն նկարում գրում գրված տեքստի լեզուն ծրագիրը ավտոմատ կերպով չի ճանաչում պետք է այն նշել ինքնուրույն:

Բացի այդ նաև նոր թարմացումից հետո ծրագիրը թարգմանում է տեքստը անմիջապես նրա մուտքագրումից հետո:

Ներբեռնել

Թողարկվել է «Android Chrome 18.0.1025123» բրաուզերը

Android-ի համար նախատեսված Chrome բրաուզերի բետա տարբերակը թարմացվել և վերանվանվել է Chrome 18.0.1025123: Այս նոր տարբերակը կարելի է ներբեռնել և տեղատրել Google Play-ից: Սակայն այս տարբերակը դեռևս հասանելի է միայն Android 4.0-ի և ավելի բարձր օպ. համակարգերի համար:

Այս տարբերակը ավելի ֆունկցիոնալ է , քան նախկին տարբերակը: Այն աշխատում է ավելի ստաբիլ և արագ: Որոշ փոփոխություններ են տեղի ունեցել նաև ծրագրի ինտերֆեյսի հետ:

Տեղադրել

Թողարկվել է Chrome Android-ի նոր տարբերակը

Google-ի ծրագրավորողները այսօր ներկայացրել են Chrome բրաուզերի տարբերակի նոր Beta վերսիան: Նշեմ, որ բրաուզերի նախկին տարբերակում առկա էին մի շարք թերություններ, որոնք բերում էին ծրագրի աշխատանքի խափանման:

Նոր՝ 0.18.4531.3636 տարբերակը,ավելի ֆունկցիոնալ է և ավելի արագ է աշխատում: Բացի այդ որոշակի փոփոխություն է կրել նաև ծրագրի ինտերֆեյսը:

Սակայն, ինչպես նշում են ծրագրավորողները, բրաուզերում դեռ կան որոշակի թերություններ, որոնք կշտկվեն առաջիկայում: 

Իսկ մինչ այդ թերությունները կշտկվեն առաջարկում եմ փորձարկել բրաուզերի այս տարբերակը: Բրաուզերը հասանելի է միայն Android 4.0 ICS-ի համար:

Տեղադրել

Facebook Camera-նոր ծրագրային հավելում Facebook-ի կողմից

Instagram-ը գնելուց ընդամենը 2 ամիս հետո Facebook-ը սկսել է փորձարկել նոր բջջային ծրագիր, որը կոչվում է Facebook Camera: Չնայած այս ամենին, Facebook-ի հեղինակները նշում են, որ ծրագրային հավելումը ստեղծվել է հենց իրենց ծրագրավորողների կողմից և ամենևին էլ կապ չունի Instagram-ի հետ:
Դեռևս հավելումը հասանելի է միայն iPod Touch-ի և iPhone-ի համար:

Facebook Camera-ի օգնությամբ օգտվողները կարող են արագ նկարներ նկարել, փոփոխություններ կատարել և կիսվել այդ նկարներով իրենց ընկերների հետ: Կարելի է օգտագործել նաև միանգամից մի քանի նկար:

IOS-ի համար նախատեսված Facebook Camera հավելումը կարող եք ներբեռնել App Store-ից:

Android, Windows Phone և BlakBerri օպ. համակարգերի համար դեռևս ծրագիրը հասանելի չի, սակայն հայտնի է, որ արդեն տարվում են աշխատանքներ: 

Ծրագիրը ընդամենը մի քանի օրվա ընթացքում մեծ տարածում է գտել, քանի որ սոցիալական կայքից օգտվողների մոտ կեսը կայք է այցելում բջջային հեռախոսներից և մասնավորապես iOS և Android օպ. համակարգերով աշխատող հեռախոսներից:

Տեղադրել հենց հիմա»

Թարմացվել են Opera Mini և Opera Mobile բրաուզերները

«Opera Software»-ի ծրագրավորողները թարմացրել են Android-ի համար նախատեսված Opera Mini և Opera Mobile բրաուզերները: Երկու ծրագրերի նախկին տարբերակներում առկա էին մի քանի խնդիրներ, որոնք և ուղղվել են նոր տարբերակներում:

Ծրագրավորղները հաղորդում են, որ երկու ծրագրերում էլ այժմ առկա ստաբիլ աշխատանք, ինչը նախկինում բացակայում էր: Նոր փոփոխությունների շնորհիվ Opera Mini 7.0.3-ը ավելի արագ է դարձել, իսկ Opera Mobile 12.0.3՝ այլևս չի անջատվում և աշխատում է ավելի ստաբիլ:

Բրաուզերները աշխատում են ինչպես Android 1.6-ի, այնպես էլ նոր տարբերակների վրա:

                                                                                      

«Play Google»-ը փոխարինել է Անդրոիդ-մարկետին

Երեկ Google-ն ներկայացրել է իր նոր ծառայությունը նախատեսված Անդրոիդի համար, որը կոչվում՝ Play Google: Այս ծառայությունը նախկինում կոչվում էր Անդրոիդ-մարկետ, սակայն Google-ն այս ծառայությունը ևս անվանափոխեց: Ինչպես տեղեկացվում է պաշտոնական բլոգում, Play Google-ը համարվում  է միակ ծառայությունը, որը տրամադրում է պաշտպանված և անվտանգ հավելումներ անդրոիդի համար:
Հետագայում նաև նախատեսվում է ստեղծել նոր ծառայություններ՝  Play Books, Play Music և Play Movies:

Այժմ այցելելով market.android.com հասցեով մենք կհայտնվենք այստեղ՝ play.google.com/store:

Այս նոր ծառայության բացման կապակցությամբ Google-ն կազմակերպել է հավելումների և խաղերի մեծ վաճառք, որը կշարունակվի 7 օր:

Այսուհետ դիտեք YouTube-ի HD-վիդեոները «Android»-ի միջոցով

«Google» ընկերությունը մարտի 1-ին թարմացերլ է իր ծառայություններից մեկի՝ YouTube-ի հավելումը, նախատեսված անդրոիդի համար:

Հարկ է նշել նաև, որ փոփոխությունները հասանելի են ինչպես Android 3.2-ի, այնպես էլ  Android 2.x-ի հավելումներում:
Նոր հավելումը հնարավորթյուն է տալիս մուտք գրծել YouTube-ի ձեր էջը հենց Google-ի միջոցով: Ինչպես տեղեկացվում է Google-ի պաշտոնական էջում կատարվել են նաև մի շարք թերությունների ուղղում:

Այսուհետ օգտվողները կարող են դիտել վիդեոները HD որակով, ինչը նախկինում բացակայում էր:

YouTube-ի նոր հավելումը կարող եք ներբեռնել «Android Market»-ից:

Թողարկվել է «Google Docs» հավելման նոր տարբերակը Android-ի համար

Երբ Google-ը թողարկեց «Google Docs» հավելումը անդրոիդի համար, այն շատ մեծ ֆունկցիաներ չէր պարունակում իր մեջ: Եվ ահա Google ընկերությունը հայտարարեց, որ թողարկվել է այս հավելման նոր տարբերակը, որում կատարվել են մի շարք փոփոխություններ. նոր ինտերֆեյս, օֆֆլայն աշխատանք փաստաթղթերի հետ և փաստաթղթերի հետ աշխատանք հենց «Google Docs»-ում:

Վերջին փոփոխությունը վերջերս կատարվել էր օպերացիոն համակարգերի համար և այժմ այն նաև հասանելի է բջջային հեռախոսներում:

«Google Docs» հավելման մեջ առավել հետաքրքիր ֆունկցիան և նորարարությունը, դա իրական ժամանակում փաստաթղթերի հետ աշխատանքն է: Եթե փաստաթղթում առկա են սխալներ, բայց դուք արդեն այն տեղադրել եք «Google Docs»-ում մի շտապեք տխրել, քանի որ այս ֆունկցիան թույլ է տալիս ուղղել սխալները: 

Բացի այդ նաև գեղեցկացվել ու փոփոխվել է ծրագրի ինտերֆեյսը: 

Նոր տարբերակը կարող եք ներբեռնել Android Market-ից:

YouWave for Android 2.1.1

«YouWave»-շատ հետաքրքիր ծրագիր «Windows»-ի համար, որը հնարավորություն է տալիս ներբեռնել և բացել  Android-ի համար նախատեսված հավելումները, առանց Android SDK և Sun SDK ծրագրերի: «YouWave»-ը իր մեջ պարունակում է վիրտուալ  Android  և տեղադրվում է ընդամենը մկնիկի երկու սեղմումով:

Տեղադրվելուց հետո ծրագիրը կարող է բացել Android-ի ֆայլերը ինչպես համակարգչից, այնպես էլ համացանցից:

Նկարագրություն

* Android 2.3 Gingerbread-ի ապահովում

*Աշխատում է Windows XP/Vista/7, 32/64 Bit օպ. համակարգերի միջոցով

*Android հավելումների և խաղերի բացում հենց համակարգչում

*Հետաքրքիր ինտերֆեյս և հեշտ աշխատանք և այլն

Տարեթիվ: 2011

Օպ.համակարգ: Windows 7/Vista/XP

Լեզու: Английский

Ակտիվացման կոդ: առկա

Տարողություն: 106.53 Mb

Google-ը թողարկել է նոր կայք Android-ի ծրագրավորողների համար

«Google» ընկերությունը տեղեկացնում է նոր կայքի բացման մասին, որը նախատեսված է Android օպերացիոն համակարգով աշխատող բջջային հեռախոսների համար: Ինչպես պարզվում է, կայքը կրում է «Android Design» անվանումը և կծառայի ծրագրավորողներին Android  պերացիոն համակարգով աշխատող բջջայինների համար հավելումներ պատրաստելու համար:
Բացի այդ կայքում կարող եք ծանոթանալ Android-ի մասին տարբեր տեսակի տեղեկությունների հետ:

Կայքում տեղադրված տեղեկատվության միջոցով անդրոիդ համակարգի հավելումներ կարող են պատրաստել, ինչպես ծրագրավորողները, այնպես էլ նոր սկսնակները: 

Կայքի միակ թերությունը այն է, որ այն դեռևս հասանելի է միայն անգլերեն լեզվով:

Թողարկվել է Dolphin Browser HD 7.3 Final բրաուզերը անդրոիդի համար

Թողարկվել է հանրահայտ բջջային բրաուզեր Dolphin Browser HD 7.3-ի նոր տարբերակը: Հիշեցնեմ, որ բրաուզերը նախատեսված է անդրոիդ օպերացիոն համակարգով աշխատող բջջային հեռախոսների համար: 
Բրաուզերի՝ Dolphin Browser HD 7.3 Final, շնոր տարբերակում կատարվել են նոր փոփոխություններ և այն ավելի արագ է աշխատում  ինտերնետում: Բացի այդ նաև ավելացվել են նոր մի քանի ֆունկցիաներ:

Նոր տարբերակում բրաուզերի մենյուն տեղադրված է էկրանի անկյունում և ավելացվել է «Անվտանգ աշխատանք» ինտերնետում ֆունկցիան:

Dolphin Browser HD 7.3 Final բրաուզերը աշխատում է Android 2.0.1 և բարձր օպերացիոն համակարգերով աշխատող բոլոր սարգավորումների վրա:

Խաղում ենք ձնագնդի www.android.com կայքում

Քիչ առաջ հայտնաբերել եմ մի շատ հետաքրքիր խաղ  www.android.com  կայքում և ցանկանում եմ նաև այդ մասին տեղեկացնել ձեզ: Գրեթե համոզված եմ, որ շատ քչերն են տեղյակ այս խաղի մասին: Խաղը www.android.com  կայքում տեղադրված (ծպտված) է այնպես, որ միայն լավ ուսումնասիրության արդյունքում կարելի է հայտնաբերել կամ ուղղակի պատահաբար (իմ դեպքում):

Ի տարբերություն մեր Հայաստանի, www.android.com կայքում արդեն կարելի է խաղալ ձնագնդի: Խաղը խաղալու համար մտնում ենք անդրոիդի պաշտոնական կայք, իջնում ենք կայքի ամենաներքևի հատվածը և մկնիկով սեղմում ենք անդրոիդի նշանի վրա:  Սեղմելուց հետո փոքրիկ հատվածում բացվում է «խաղահրապարակը», որտեղ հայտնվում է ձնեմարդը և անդրոիդը:

Խաղը շատ հասարակ է: Պետք է միայն կենտրոնանալ և դիպուկ հարվածել ձնեմարդուն, ձնագնդիի միջոցով: Որքան շատ եք սեղմում մկնիկի սեղմակը, այնքան ավելի շատ է թռչում ձնագնդին:

Երեք դիպուկ հարվածից հետո դուք դառնում եք խաղի հաղթող և հասարակ անդրոիդի նշանը փոխարինվում է նմանատիպ նշանի:

Ի դեպ ուշադրություն դարձրեք, որ խաղը միայն տեղադրված է կայքի գլխավոր էջի վրա և այլ էջերում այն չի  բացվում և սեղմելու դեպքում անդրոիդը միայն ձեռքն է շարժում  կամ սկսում է խաղալ գնդակների միջոցով: