«Տաք կոճակները» աշխարահռչակ կայքերում

Այսօր կխոսեմ աշխարահռչակ կայքերում առկա «տաք կոճակների» (горячие клавиши, hotkeys) մասին: Համոզված եմ, որ սոց. ցանցերից օգտվողների մեծ մասը տեղյակ չի, որ գոյություն ունեն կոճակներ, որոնք կարող են արագացնել իրենց գործը: Եվ այսպես հիմա կներկայացնեմ ամենահայտնի Gmail, Twitter, Facebook և YouTube կայքերում առկա  տաք կոճակները:

Gmail

Google-ի այս ծառայությունը հավանաբար ամենաշատ տաք սեղմակներ ունեցող ծառայությունն է: Քանի որ բոլոր սեղմակները ներկայացնելը ժամանակատար գործ է կներկայացնեմ ամենակարևորները՝

c-բացում է նոր էջ էլեկտրոնային նամակ գրելու համար

n/P-թույլ է տալիս փոխել բացված հաղորդագրությունները:

Y/O-այս սեղմակները կօգնեն Ձեզ դիտված հաղորդագրությունը ուղարկել արխիվ և անցնել մյուս հաղորդագրությանը:

Z- եթե կատարել եք ինչ-որ գործողություն և ցանկանում եք ետ վերադառնալ, ապա սեղմեք այս կոճակը:

Ամբողջական ցանկը կարող եք տեսնել այստեղ:

Twitter

Աշխարահռչակ այս սոց. ցանցում ևս գոյություն ունեն տաք կոճակներ, որոնց ամբողջական ցանկը տեսնելու համար պետք է մուտք գործել ցանցի գլխավոր էջ և սեղմել  ?  կոճակը:

J / K -թույլ են տալիս տեղափոխվել մեկ թվիթից մյուսին:
. -թարմացնում է էջը;
N -ստեղծում է նոր թվիթ:
R -պատասխանել թվիթին:
T -retweet:
F -հավանել թվիթը:

Facebook

Ֆեյսբուք սոցիալական ցանցում ևս կան մի շարք տաք կոճակներ, որոնք կարելի է հաճախակի օգտագործել: Ի տարբերություն մյուս ծառայություններում առկա կոճակների, այստեղ տաք կոճակներ օգտագործելու համար անհրաժեշտ է նաև սեղմել  ALT  կոճակը:

ALT+? -անցում որոնման տողին:

ALT+1 -անցում գլխավոր էջին:

ALT+2 -անցում անձնական էջին:

ALT+3 -անցում ընկերների էջին:

ALT+4 -անցում հաղորդագրությունների էջին:  

ALT+5 - անցում ծանուցումների էջին:

Այս շարքը ավարտվում է այսպես մինջև 10 թիվը: Mac օպ. համակարգում Alt կոճակը պետք է փոխարինել Ctrl կոճակով: Եթե դուք օգտվում եք Firefox բրաուզերից, ապա տաք կոճակները ակտիվացնելու համար օգտագործեք  ALT+SHIFT կոճակները:

YouTube

Այս վիդոհոսթինգում ևս կան տաք կոճակներ, սակայն դրանք այդքան էլ շատ չեն: Կոճակները նախատեսված են նվագարկիչում արագ գործողություններ կատարելու համար:

HOMEևEND -թույլ է տալիս դիտել վիդեոն սկզբից կամ տեղափոխվել վիդեոյի վերջը:
       -այս կոճակի միջոցով կարող եք կանգնեցնել և շարունակել վիդեոյի դիտումը:
TAB-այս կոճակը թույլ է տալիս տեղաշարժվել վիդեոնվագարկիչի ֆունկցիաներով:

«Direct YouTube Downloader»: Բեռնեք HD վիդեոներ YouTube կայքից

Ներկայումս գոյություն ունեն տարատեսակ ծրագրեր, որոնք թույլ են տալիս ներբեռնել վիդեոներ YouTube կայքից: Ինչպես նաև այդ ծրագրերից շատերը իրենց մեջ պարունակում են  հատուկ փոխարկիչներ, որոնց միջոցով կարելի է փոփոխել տվյալ վիդեոյի ֆորմատը:

Սակայն Windows-ի համար նախատեսված` այդ ծրագրերի մեջ, իմ կարծիքով, լավագույնը Direct YouTube Downloader ծրագիրն է:

• Ծրագիրը անվճար է և գովազդներ չի պարունակում:
• Թույլ է տալիս բեռնել ցանկացած որակի և ֆորմատի վիդեո: Հնարավորություն է տալիս բեռնել նույնիսկ 4K Ultra HD որակի վիդեոներ:
• Ապահովում է վիդեոների խմբակային բեռնման ֆունկցիա:
• Խմբակային բեռնման ժամանակ թույլ է տալիս ընտրել յուրաքանչյուր վիդեոյի որակը և ֆորմատը:
• Վիդեոն գտնում է ինչպես հղումների միջոցով, այնպես էլ անվանումների և տեղադրողի անվան միջոցով:

 Ներբեռնում ենք ծրագիրը, տեղադրում ենք համակարգչի մեջ, ընտրում՝ ծրագրի լեզուն

(պարունակում է մի շարք լեզուներ), վիդեոների պահպանման վայրը (ստանդարտ կերպով այն պահպանում է C:\Downloads թղթապանակում) և վերջ:

Վիդեոները ներբեռնելու համար, ծրագրի վերևի հատվածում գտնվող տողում գրում եք վիդեոյի անունը (կարող եք օգտագործել նաև հղումը կամ վիդեոն տեղադրողի անունը) և սեղմում եք «Скачать»:

Ներբեռնել

Իրական անուն և ազգանուն YouTube-ում

Այժմ, երբ YouTube-ում օգտագործվում են Google-ի հաշիվները, նրանում հասանելի են դառնում նաև «Google+»-ի մի շարք ֆունկցիաներ:

Այդ ֆունկցիաների շնորհիվ կարելի է YouTube-ում օգտանունի փոխարեն օգտագործել իրական անուն և ազգանուն («Google+» ում օգտագործվող անունը և ազգանունը): Դրա համար պետք է կատարել ընդամենը մի քանի քայլ.

Բացում եք YouTube-ի կարգավորումների էջը, սեղմում եք էլ-փոստի ներքևում գտնվող «Дополнительно» (Advanced) հղման վրա և միացնում եք երկու հաշիվները միմյանց:

Ինչպես հայտնել է Google-ի ներկայացուցիչը «LA Times» թերթին,-«Այս միացումից միայն փոխվում է հաշիվում նշվող անունը, այլ ոչ ամբողջական հասցեն: Ֆունկցիան առաջարկվում է միայն «Google+»-ում հաշիվ ունեցող օգտողներին: Առաջիկայում մենք աշխատելու ենք ավելի կատարելագործել մեր ծառայությունները և դրանք դարձնել ավելի հարմարավետ»:

Ամբողջական հոդվածը այստեղ:

«Youtube»-ում հայտնվել է նոր ֆունկցիա

Youtube-ի աշխատակից Ադամ Կոնվեյը իր բլոգում հայտնում է, որ Youtube-ում հայտնվել է նոր ֆունկցիա, որը թույլ է տալիս ընդամենը մկնիկի մեկ սեղմումով թաքցնել մարդկանց դեմքերը:

Ինչպե՞ս օգտագործել դեմքերի փակման ֆունկցիան:

• Բացում եք  YouTube-ի Ձեր պրոֆիլը,
• Սեղմում եք աջ վերևի անկյունում գտնվող «Менеджер видео» պիտակի վրա:
• Բացված էջում կտեսնենք բոլոր վիդեոները, որոնք դուք եք տեղադրել , իսկ նրանց կողքին «Изменить»: Սեղմում ենք «Изменить»:
• Բացվելու է վիդեոյի մասին ամբողջական ինֆորմացիա պարունակող էջ: Այս էջում ընտրում եք «Улучшить видео»:
• Վիդեոյի ներքևի մասում  ավելացվել է նոր ՝ «Дополнительные функции» բաժին, բացում եք այն և ակտիվացնում եք   "Скрыть все лица" կետը: 

Եթե ամեն ինչ ճիշտ է և վիդեոն համարում եք ստացված, ապա սեղմեք «Сохранить как» և վերջ:

Սակայն, վերջում միայն նշեմ, որ որոշ դեպքերում ֆունկցիան կարող է չաշխատել:

«YouTube»-ը փորձարկում է գլխավոր էջի նոր դիզայնը

«YouTube» ծառայությունը շարունակում է փորձարկել իր նոր դիզայնը: Նոր փոփոխությունների արդյունքում, կայքի ձախակողմյան հատվածում կտեղադրվեն օգտվողի բոլոր բաժանորդագրությունները և յուրաքանչյուր բաժանորդագրման դիմաց նշված կլինի նրա տեղադրած վիդեոների թիվը:

Այս հատվածում նաև տեղադրվել է նոր որոնողական համակարգ, իսկ նրանց ներքևի հատվածում տեղադրված է կայքի կողմից առաջարկվող ալիքների ցուցակը:

Բացի նշված փոփոխությունները, տեղի են ունեցել նաև այլ փոփոխություններ. օրինակ այժմ վիդեոն դիտելուց հետո նրա վրա հայտնվում է փոքրիկ պիտակ «watched» տեղեկացնելով, որ այն արդեն դիտվել է:

Ահա և նոր ինտերֆեյսը.

...իսկ սա` նախկինը:

Եթե ցանկանում եք փորձարկել նոր ինտերֆեյսը, ապա կարող եք կարդալ այս նյութը:

YouTube-ում տեղի են ունենում նոր փոփոխություններ

YouTube-ում հերթական փոփոխություններն են սպասվում: Նոր փոփոխությունների արդյունքում փոխվելու է ինչպես կայքի ինտերֆեյսը, այնպես էլ վիդեոնվագարկիչը: Առաջին հերթին կայքի դիզայնը ավելի պարզ տեսք կստանա: Կայքում հիմնական գույնը մոխրագույնի և սևի փոխարեն դառնալու է սպիտակը:

Վիդեոյի անվանումը և հեղինակի անունը կտեղադրվեն ոչ թե վիդեոյի վերևում, այլ նրա ներքևի հատվածում:

Չնայած այն բանին, որ այս նոր ինտերֆեյսը դեռ ծրագրավորման փուլում է, այն կարելի է փորձարկել: Դրա համար պետք է բացել youtube.com կայքը Chrome, Firefox, Opera կամ Internet Explorer բրաուզերների միջոցով, այնուհետև կատարել ներքևում նշված քայլերը.

Բացում ենք բրաուզերում՝ ծրագրավորողների համար նախատեսված բաժինը և տեղադրում ներքևի կոդը («Ctrl+Shift+J» Chrome-ի դեպքում, «Ctrl+Shift+K» Firefox-ի դեպքում, Opera-ի դեպքում սեղմում ենք «Ctrl+Shift+I», իսկ   Internet Explorer-ի համար սեղմում ենք F12 կոճակը).

document.cookie="VISITOR_INFO1_LIVE=nH7tBenIlCs; path=/; domain=.youtube.com";window.location.reload();

Կոդը ավելացնելուց հետո սեղմեք ENTER և թարմացրեք էջը:

Եթե ցանկանում եք վերադարձնել կայքի նախկին ինտերֆեյսը, ապա կատարեք նույն քայլերը և ավելացրեք հետևյալ կոդը.

document.cookie="VISITOR_INFO1_LIVE=; path=/; domain=.youtube.com";window.location.reload();

Նմանատիպ նյութեր-YouTube -ն փորձարկել է իր նոր ինտերֆեյսը

YouTube-ում ավելացել է նոր ֆունկցիա

YouTube-ում վերջերս ավելացել է նոր ֆունկցիա, որը կարող է օգտակար լինել այն մարդկանց, ովքեր մշտապես զբաղված են փլեյլիստերի պատրաստմամբ: Նոր ֆունկցիան հնարավորություն է տալիս օգտվողներին «կիսել» փլեյլիստում առկա վիդեոները:

Մասնավորապես այժմ օգտվողները, ովքեր ցանկանում են, որ իրենց փլեյլիստի վիդեոն ամբողջությամբ չդիտվի, կարող են ընտրել որոշակի հատված:

Այս դեպքում վիդեոն դիտողները միանգամից կդիտեն այդ ընտրված հատվածը: Բայց այս փփոխությունը չի ազդելու վիդեոյի վրա և այն կմնա անվնաս ու ցանկության դեպքում օգտվողները կարող են նաև դիտել անբողջական վիդեոն:

Լրացավ YouTube.com-ի 7 ամյակը

2005թ  մայիս ամսին (մայիսի 21-ին) սկսվեց YouTube.com ծառայության բետա տարբերակի փորձարկումը: Բոլորին քաջ հայտնի վիդեոհոսթինգը իր առաջին քայլերը սկսել է ընդամենը մի քանի վիդեոներով, որոնք տեղադրվել էին հենց կայքի հեղինակների կողմից:

Հետագայում YouTube.com-ը սկսում է մեծ արագությամբ զարգանալ և հասնում է համաշխարհային ճանաչման:

Հատկանշական է, որ YouTube-ում դեռ պահպանվում է կայքում տեղադրված առաջին վիդեոն, որը կոչվում ՝ Me at the zoo և այն կարող եք դիտել այստեղ:

Արդեն 2006թ. կայքում գրանցվում էր օրական ավելի քան 100 մլն դիտում և կայք էր ավելացվում  մոտ 65 հազար նոր վիդեո: 2006թ վերջում YouTube-ն դառնում է Google-ի սեփականությունը: Ներկայումս YouTube-ում ամսական գրանցվում է մոտ 800մլն դիտում, իսկ դիտումների ընդհանուր տևողությունը կազմում է մոտ 3մլրդ ժամ:

Ինչպես անջատել դիտումների և որոնումների պատմությունը Youtube-ում

Գրեթե համոզված եմ, որ շատ քչերն են տեղյակ այն մասին, որ Youtube-ն իր մեջ պահպանում իր օգտվողների փնտրած և դիտած վիդեոների պատմությունը: Այդ բոլորը պահպանվում են օգտվողների պրոֆիլի «История» և «История поиска» բաժիններում:

Եթե չեք ցանկանում, որ «Youtube»-ն պահպանի ձեր դիտումների պատմությունը, ապա կարող եք անջատել այդ ֆունկցիան պրոֆիլի կարգավորումներից:

Դրա համար պետք է մուտք գործեք ձեր պրոֆիլ, հետո «Моя история поиска» բաժնում սեղմեք «Приостановить историю поиска» կոճակը:

Եթե կցանկանաք հետագայում կրկին միացնել այս ֆունկցիաները, ապա մտնում եք նույն բաժին և սեղմում եք «Возобновить историю поиска» և «Возобновить историю просмотров» կոճակների վրա:

Ինչպես փոխերինել վիդեոյի երգը «YouTube»-ում

Աշխարհահռչակ վիդեոհոսթինգ «YouTube»-ն կատարել է նոր փոփոխություններ կայքում և ավերել է նոր ձայնային խմբագրիչ: Այս թարմացումից հետո խմբագրիչում ավելացվել են նոր երգեր, որոնք կարող եք օգտագործել վիդեոի ձայնը փոփոխելու համար: Երգերի թիվը խմբագրիչում հասել են 150.000-ի:

Կատարեք նկարում նշված քայլը՝

Բացված պատուհանում ընտրում ենք «Аудио» բաժինը: Ձախ հատվածում ծառայությունը ավտոմատ կերպով Ձեզ կառաջարկի մի քանի երգեր, իսկ աջ հատվածում կտեսնեք բեռնված վիդեոն: Ներքևում գտնվում են կառավարման համար նախատեսված կոճակները:

Ներքևում նաև տեղադրված է որոնման համար նախատեսված բաժինը, որի միջոցով կարող եք փնտրել այլ երգեր:

Վիդեոն փոփոխելուց սեղմում ենք «Сохранить» կոճակը և վերջ:

Youtube-ում ավելացվել է «նախնական դիտում» ֆունկցիան

«Youtube»-ն թողարկել է նոր ֆունկցիա, որը կոչվում է Youtube Preview: Այս ֆունկցիայի միջոցով օգտվողները կարող են ընտրել այն հատվածը, որը ցանկանում են տեսնել: Ֆունկցիան աշխատում է շատ պարզ. Պետք է միայն մկնիկի սլաքը պահել նվագարկիչի վրա և ընտրել: Վիդեոյի ներքևի հատվածում հայտնվում է տվյալ հատվածի փոքրացված նկարը:

Եթե մկնիկի սլաքը տեղաշարժենք վիդեոյի երկայնքով, կտեսնեք մի շարք փոքրացված կադրեր:

90 րոպեից ավել տևող վիդեոների դեպքում այս ֆունկցիան աշխատում է այլ՝ ավելի բարդ եղանակով: Բացվում է հավելյալ հատված որի վրա տեղադրված են կես րոպեանոց հատվածներ, որոնց վրա էլ տեղադրված են կադրերը:

Այս ֆունկցիան մի քանի շաբաթվա ընթացքում հասանելի կդառնա Youtube-ի ողջ օգտվողներին:

Այսուհետ դիտեք YouTube-ի HD-վիդեոները «Android»-ի միջոցով

«Google» ընկերությունը մարտի 1-ին թարմացերլ է իր ծառայություններից մեկի՝ YouTube-ի հավելումը, նախատեսված անդրոիդի համար:

Հարկ է նշել նաև, որ փոփոխությունները հասանելի են ինչպես Android 3.2-ի, այնպես էլ  Android 2.x-ի հավելումներում:
Նոր հավելումը հնարավորթյուն է տալիս մուտք գրծել YouTube-ի ձեր էջը հենց Google-ի միջոցով: Ինչպես տեղեկացվում է Google-ի պաշտոնական էջում կատարվել են նաև մի շարք թերությունների ուղղում:

Այսուհետ օգտվողները կարող են դիտել վիդեոները HD որակով, ինչը նախկինում բացակայում էր:

YouTube-ի նոր հավելումը կարող եք ներբեռնել «Android Market»-ից:

Վեբ-ծառայությունների հավաքածու՝ YouTube-ից օգտվելու համար

Հարգելի՛ ընթերցողներ, այսօր կներկայացնեմ մի քանի վեբ-ծառայություններ, որոնք ձեզ կօգնեն YouTube-ից հեշտությամբ օգտվել: Այս ծառայություններից մի քանիսը ես օգտագործում եմ գրեթե ամեն օր: 

Առաջին հարցը, որը տրվում է օգտվողների մեծամասնության կողմից, YouTube-ից վիդեո ներբեռնլու մասին է: Այս հարցին արդեն մեկ անգամ պատասխանել եմ այս նյութում:
Բայց այսօր այդ մասին կխոսենք ավելի մանրամասն: Օրինակ՝ վիդեո ներբեռնելու համար դուք կարող եք օգտվել www.sgrab.ru ծառայությունից:

Youtube-ից վիդեո ներբեռնելու համար պետք է կատարել հետևյալ քայլերը՝

Սեղմեք "Настройка и управление" կոճակի վրա և միացրեք "Всегда показывать панель закладок" բաժինը, եթե իհարկե այն միացվծ չի, կամ ուղղակի սեղմեք Ctrl+B կամ Ctrl+Shift+B սեղմակների համադրություններից որևէ մեկը (Chrome բրաուզերի համար): Հետո մկնիկի օգնությամբ տեղադրեք Сграбь!ру սկրիպտ-հղումը ներդիրների բաժնում (панель закладок): Եթե ամեն ինչ ճիշտ եք արել ուրեմն պետք է ներդիրների  շարքում կհայտնվի նմանատիպներդիր:

Այս քայլերը կատարելուց հետո, դուք կկարողանաք վիդեոներ ներբեռնել YouTube-ից ընդամենը մկնիկի երկու սեղմումով: Միայն պետք է միացնել այն վիդեոն, որը ցանկանում եք բեռնել և սեղմել "Сграбь!ру" ներդիրի վրա, որից հետո ձեզ կառաջարկվի բեռնել վիդեոն մի քանի ֆորմատով:

Սպասե՛ք, քիչ մնաց մոռանայի: Ինչպես տեղեկացնում են կայքի հեղինակները, այս ներդիրի օգնությամբ դուք կարող եք ներբեռնել վիդեոներ ոչ միայն YouTube-ից, այլ նաև ВКонтакте, Dailymotion և այլ կայքերից: 

Ենթադրենք  YouTube-ում հավանել եք ինչ որ վիդեոյում առկա երգը և ցանկանում եք ներբեռնել MP3 տարբերակը: Ահա հենց այս իրավիճակի համար էլ ստեղծվել է Video2Mp3.net կայքը:

Բացում ենք կայքը, տեղադրում ենք համապատասխան վիդեոյի հղումը և սեղմում ենք «convert»: 

TubeReplay.com-կայքը թույլ կտա ձեզ դիտել վիդեոները անընդհատ:

Youtubetime.com կայքի միջոցով կարող եք դիտել վիդեոները հենց այն մասից, որտեղից որ ցանկանում եք: Պետք է միայն ընտրել համապատասխան հատվածը, նշել կայքում և վերջ:

Սակայն այս ամենը կարելի է անել նաև առանց վերոնշյալ ծրագրի միջոցով: Պետք է միայն վիդեոյի հղման վերջում ավելացնել նմանատիպ վերջավորություն և վերջ:

g&t=3m10s

.այս վերջավորթյունը նշանակում է, որ վիդեոն կսկսվի 3-րդ րոպեի 10-րդ վայրկյանին:

Mp32Tube.com կայքի միջոցով կարող եք mp3 երգեր բեռնել YouTube կայք: Պետք է նշել միայն Mp3 ֆայլը և նկարը:

Հետաքրքիր ծառայություն է նաև Youcub.es-ը, որը թույլ է տալիս միացնել 6 վիդեո խորհանարդիկի տեսքով:

Խորհանարդիկը կարելի է պտտել և ընտրել ցանկալի վիդեոն: Բացի այդ կարող եք նաև կիսվել ձեր խորհանարդիկով ընկերների հետ:

«YouTube»-ը փորձարկում է «Google+» ինտեգրացիա

Այժմ, երբ «YouTube» ընկերությունը օգտագործում է «Google»-ի օգտվողների  պրոֆիլները, այս երկու ընկերությունների միջև նյութեր տարածելը չպետք է ինչ-որ բարդություններ առաջացնի: Եվ ահա YouTube-ի կայքի վերջին թարմացումներից հետո, կայքում հայտնվել է նոր կոճակ, որի վրա սեղմելուց հետո անմիջապես հայտնվում ենք Google+ կայքում:

Իսկ հիմա YouTube ընկերությունը փորձարկում է Google Search, Gmail, Google Docs և Google-ի այլ ծառայությունները:

Կայքի վերևի հատվածում տեղադրված է «Google+»-ծանուցման կոճակը, որը հնարավորություն է տալիս YouTube-ի ցանկացած վիդեո տարածել Google+ սոցիալական ցանցում:

Ներկայումս այս փոփոխությունները միայն երևում են  առավել շուտ ստեղծված պրոֆիլներում: Հետագայում նաև այս փոփոխությունները կտեղադրվեն նաև այլ օգտվողների պրոֆիլներում:

Youtube-ում տեղաց առաջին ձյունը

Շտապեմ տեղեկացնել, որ  Youtube-ում ևս եկավ առաջին ձյունը: Իսկ ավելի ճիշտ, Youtube-ի նվագարկչի վրա հայտնվել է մի հետաքրքիր կոճակ, որը սեղմելուց հետո սկսում է ձյուն գալ:

Կոճակի վրա սեղմելուց հետո այն կարմրում է, ինչ նշանակում է, որ այն միացված է: Կարելի է մկնիկի միջոցով շարժել և տեղափոխել ձյան փաթիլները:

Ահա, թե ինչպես է դա երևում նվագարկչի վրա:

YouTube-ում կարող եք դիտել Դիսնեյի արտադրության ֆիլմերը

YouTube-ը, որը պատկանում է Google-ին, հայտարարել է  այն մասին, որ համաձայնության է եկել Դիսնեյ (Walt Disney) ընկերության հետ և այսուհետ YouTube-ից օգտվողները  կարող են տեսնել Դիսնեյի կինոները օնլայն:

Այժմ դեռ կարելի է դիտել միայն մի քանի ֆիլմեր, բայց մոտակա օրերի ընթացքում ֆիլմերի և մուլտֆիլմերի ցուցակը կհասնի մի քանի հարյուրի:

Այս կերպ Դիսնեյը միանում է այնպիսի հանրահայտ ընկերությունների, ինչպիսիք են Sony, Universial Pictures և Time Warner-ը, որոնք ևս միացել են YouTube-ին և նրան վարձավճարով տրամադրում են ֆիլմեր : Ֆիլմերի մի մասը անվճար է, սական նոր ֆիլմերը կարելի է դիտել  $3,99 գումարով՝ 48 ժամի համար:

Վիդեոները կարող եք տեսնել այստեղ:

Մաքրում ենք Youtube -ն գովազդներից

 Շատերը օգտագործում են հատուկ հավելումներ. օրինակ՝  Readability , կայքերում գովազդները և այլ ոչ ցանկալի հատվածները հեռացնելու համար: Սակայն Readability -ի խնդիրը նրանում է, որ այն հեռացնում է ոչ բոլոր կայքերի գովազդները: Օրինակ՝ Youtube -ում այն հեռացնում է, ոչ միայն գովազդները, այլ նաև վիդեոն, որը ցանկանում ենք դիտել:

Այս պարագայում կարող ենք օգտվել հատուկ մի հավելումից՝ Clea.nr, որը հեռացնում է միայն ոչ ցանկալի հատվածները:

Clea.nr-ի արդյունքը:

Clea.nr հավելումը  (նախկինում կոչվել է՝ Cleaner YouTube) գործում ՝  Chrome, Firefox և Safari բրաուզերների վրա: